रियल म्याड्रिडले स्पेनिस ला लिगाको शीर्ष स्थानमा उक्लने मौका गुमाएको छ।
शनिबार राति भएको खेलमा रियल बेटिससँग गोलरहित बराबरीमा रोकिएपछि रियलले शीर्ष स्थानमा उक्लने मौका गुमाएको हो।
शनिबार राति नै भएको खेलमा लिग लिडर बार्सिलोना पराजित हुँदाको फाइदा रियलले उठाउन सकेन। बार्सिलोनालाई शनिबार राति लेभान्तेले ३–१ गोलअन्तरले पराजित गरेको थियो।
यता एट्लेटिको म्याड्रिडले पनि शीर्ष स्थानमा रहने अवसर खेर फालेको छ।
एट्लेटिको शनिबार राति भएको खेलमा सेभिल्लासँग १–१ गोलको बराबरी खेल्यो।
शनिबार पराजित भए पनि लिगको शीर्ष स्थानको बार्सिलोनाको ११ खेलबाट २२ अंक छ। गोलअन्तरमा पछि परेर दोस्रो स्थानमा रहेको रियलले पनि २२ अंक नै जोडेको छ।
१२ खेल खेलेको एट्लेटिको २१ अंक जोडेर तेस्रो छ भने चौथो स्थानको सेभिल्लाको पनि २१ अंक नै ।