युभेन्टस कोपा इटालियाको क्वाटरफाइनलमा प्रवेश गरेको छ।
बुधबार भएको खेलमा उडिनिजलाई ४-० ले स्तब्ध पार्दै युभेन्टस क्वाटरफाइनलमा प्रवेश गरेको हो।
युभेन्टसको जितमा पाउलो डिबालाले दुई गोल गरे भने गोन्जालो ह्युगिन र डोग्लास कोस्टाले १-१ गोल गरे।
युभेन्टसले खेलको १६ औं मिनेटमा ह्युगिनको गोलमा अग्रता लिएको थियो। सो अग्रतालाई डिबालाले पेनाल्टीमार्फत खेलको २६ औं मिनेटमा गोल गर्दै दोब्बर पारे भने ५७ औं मिनेटमा पुनः गोल गर्दै तेब्बर पारेका थिए।
त्यसपछि खेलको ६१ औं मिनेटमा कोस्टाले प्राप्त पेनाल्टीको सदुपयोग गर्दै टोलीका लागि चौथो गोल गरे।
हिजो नै कोपा इटालिया अन्तरगत भएको अर्को खेलमा पाँच पटकको कोपा इटालिया विजेता एसी मिलानले स्पाललाई ३-० ले पराजित गर्दै अन्तिम आठमा पुगेको छ।
त्यसैगरी फियोरेन्टिनाले एट्लान्टालाई २-१ले पराजित गर्यो।