शहीद स्मारक 'ए डिभिजन' लिग उपाधिका लागि शनिबार त्रिभुवन आर्मी क्लब र मच्छिन्द्र क्लबबीच प्रतिस्पर्धा हुँदैछ।
खेल साढे १ बजे दशरथ रंगशालामा सुरू हुनेछ।
विभागीय टोली आर्मी १२ खेलबाट २९ अंकसहित लिगको शीर्ष स्थानमा छ भने समान खेलबाट मच्छिन्द्रको २८ अंक छ। त्यसैले आर्मीलाई उपाधि चुम्न आजको खेल बराबरी मात्र गरे पुग्छ भने मच्छिन्द्रलाई भने आर्मीलाई पराजित गर्नै पर्ने हुन्छ।
डिस्को काण्डमा मुछिएर ९० दिनको प्रतिबन्धमा परेका स्ट्राइकर विमल घर्तीमगर पनि मच्छिन्द्रबाट मैदान उत्रिदैछन्। तर मच्छिन्द्रका कप्तान विराज महर्जन, सुजल श्रेष्ठ र दीपक राई घाइते भएका कारण त्यसले आर्मीलाई केही फाइदा पुग्न सक्छ।
गत सिजनको उपाधि भने मनाङ मर्स्याङ्दीले जितेको थियो। त्योबेला पनि मानङको कप्तानी विराज महर्जनले सम्हालेका थिए। तसर्थ पनि यो लिग अहिले मच्छिन्द्रको कप्तानी सम्हालेका उनका लागि पनि महत्वपूर्ण हुनेछ।
मच्छिन्द्रले जारी लिगलाई भनेर खेलाडी अनुबन्ध गर्न मात्र करोडौ खर्च गरेको थियो।
उसले राष्ट्रिय टोलीमा रहेका ७ जना खेलाडीलाई अनुबन्ध गरेको हो।