आर्सनल, सेल्टिक तथा अजाक्स युरोपा लिगको अन्तिम ३२ बाटै बाहिरिएका छन्।
शुक्रबार भएका खेलमा उनीहरू आआफ्नो खेलमा पराजित भए भने संमग्रको नतिजा पनि उनीहरूको पक्षमा नरहेपछि उनीहरू बाहिरिएका हुन्।
आर्सनलले अवे गोलमा पछिपर्दा अगाडि बढ्न सकेन भने सेल्टिक र अजाक्स लेगका दुबै खेलमा पराजित भएकाले रोकिएका हुन्।
ओलम्पियाकोससँग दोश्रो लेगमा २-१ ले पराजित भएको आर्सनल संगग्रमा २-२ को बराबरी भएपनि अवे गोलका आधारमा अन्तिम १६ मा पुग्न सकेन।
यस्तै एफसी कोपेनहेगनसँग दोश्रो लेगमा ३-१ले पराजित भएको सेल्टिक संमग्रमा ४-२ले पराजित हुँदै बाहिरिएको छ।
त्यसैगरी दोश्रो लेगमा २-१को पराजय भोगेको अजाक्स समंग्रमा ३-२ले पराजित हुँदै अन्तिम १६ मा पुग्न सकेन। अजाक्स गतवर्षको च्याम्पियन्स लिगको सेमिफाइनलमा पुगेको थियो।