चर्चित फुटबल क्लब चेल्सीका विंगर काल्लुम हडसन ओडोइमा पनि कोरोनाभाइरसको संक्रमण देखिएको पुष्टि भएको छ।
कोरोनाको संक्रमण देखिएपछि उनी सोमबारदेखि ‘सेल्फ आइसोलेसन’मा बसेका थिए। उनले सो कुरा शुक्रबार एक भिडिओमार्फत् जानकारी गराएका हुन्।
उक्त भिडिओमा आफू अहिले ठीक भइरहेको र चाँडै निको हुने उनले बताएका छन्।
प्रिमियर लिगका खेलाडीमा पहिलो पटक कोरोनाभाइरसको संक्रमण भेटिएको हो।
कोरोनाभाइरसको संक्रमण देखिने बित्तिकै सेल्फ आइसोलेसनमा बसेका हड्सन निको भएर चाँडै नै खेल खेल्न निस्कने क्लबले बताएको छ।
उनमा कोरोनाभाइरस देखिएपछि प्रिमियर लिगले शुक्रबार आपतकालीन क्लब मिटिङ बस्ने जानकारी दिएका छन्।
हड्सनमा कोरोनाभाइरसको संक्रमण भेटिएपछि चेल्सीका अन्य खेलाडी पनि आइसोलेसनमा बसेको बिबिसीले जनाएको छ।
क्लबले शुक्रबारको पत्रकार सम्मेलन पनि स्थगित गरेको छ।
