युरोपियन फुटबल महासंघ (युइएफए) का अध्यक्ष अलेक्जेन्डर सेफरिनले अहिलेको फुटबल सिजन पूर्ण नतिजा नआइ अन्त्य हुन सक्ने बताएका छन्। उनले रोकिएको फुटबल लिगहरु जुनको अन्त्यसम्ममा सुरु नभए यतिकैमा सिजन सकिने बताएका हुन्।
कोरोना भाइरसका कारण युरोपसहित विश्वका सबै फुटबल लिगहरु अहिले स्थगित गरिएको छ भने युरो २०२० पनि अर्को वर्षका लागि स्थगित गरिएको छ।
अहिलेको अवस्थामा तीन वटा विकल्प भएको अध्यक्ष सेफरिनले बताए।
उनका अनुसार मध्य मेमा सुरु गर्ने, जुनको सुरुवातमा वा जुनको अन्त्यमा लिगहरु सुरु गर्न योजना छ। जुनको अन्त्यमा पनि लिग सुरु हुन नसके सिजन यतिकै सकिने उनको भनाइ छ।
फेरि लिग सुरु गर्न नसके उचित उपाय निकाल्ने भन्दै उनले इटालीको एक पत्रिकालाई अन्तर्वार्ता दिएका छन्।
