बार्सिलोनाका फरवार्ड लिओनल मेसी आफ्नो ७० प्रतिशत तलब कटौती गर्न सहमत भएका छन्।
कोरोना भाइरसका कारण स्पेनिस ला लिगासहित सम्पूर्ण गतिविधि बन्द भएका कारण क्लबहरु अहिले आर्थिक संकटमा छन्।
क्लबलाई आर्थिक रुपमा सहयोग गर्नका लागि कोरोनाभाइरसको संक्रमण रहुन्जेल आफ्नो तलबको ७० प्रतिशत कटौती गर्न सहमत रहेको अर्जेन्टाइन फरवार्ड मेसीले सामाजिक सञ्जालमार्फत जनाएका हुन्।
उनले आफूमात्र नभइ बार्सिलोनाका सबै खेलाडी तलब कटौती गर्न सहमत रहेको पनि स्पष्ट पारेका छन्।
यस्तै आवश्यक परे खेलाडीहरु क्लबलाई अरु सहयोग गर्न पनि तयार रहेको मेसीको भनाइ छ।
कोरोनाका कारण गत मार्च १२ देखि स्पेनिस ला लिगाका खेलहरु अनिश्चितकालका लागि स्थगित छन्।