जर्मन बुन्डेसालिगाअन्तर्गत शीर्ष स्थानको वायर्न म्युनिखको जितमा २ गोल गरेका रोबर्ट लेवान्डोस्कीले आफ्नै रेकर्ड बराबरी गरेका छन्।
शनिबार राति भएको खेलमा वार्यनले फोर्टुना डुसलडोर्फलाई ५-० को फराकिलो अन्तरले पराजित गर्दा लेवान्डोस्कीले रेकर्ड बराबरी गरेका हुन्।
लेवान्डोस्कीले एकै सिजनमा वार्यनका लागि गोल गर्ने ४३ गोलको रेकर्ड बराबरी गरेका हुन्। यसअघि उनले सिजन २०१६-१७ मा वायर्नका लागि ४३ गोल गरेर गोल रेकर्ड बनाएका थिए।
यो सिजन वायर्नका लागि सबै प्रतियोगितामा गरी ४३ गोल गरिसकेका लेवान्डोस्की अब अर्को रेकर्डको नजिक छन्।
शनिबार वार्यनका लागि लेवान्डोस्कीले ४३ र ५० मिनेटमा गरी २ गोल गरेका हुन्।
जितसँगै वायर्नले अंक तालिकामा १० अंकको अग्रता बनाएको छ। उसको २९ खेलबाट ६७ अंक छ। दोस्रो स्थानमा रहेको बोरुसिया डर्टमुन्डले एक खेल कम खेल्दै ५७ अंक जोडेको छ।
