इंग्लिस प्रिमियर लिगमा चेल्सीले जित हात पारेको छ। चेल्सीले मंगलबार राति भएको खेलमा नर्विच सिटीलाई १-० गोलले पराजित गर्यो।
अंक तालिकाको पुछारमा रहेको नर्विच यसअघि नै रेलिगेसनमा परिसकेको छ।
चेल्सीको जितमा फरवार्ड ओलिभर जिरुडले निर्णायक गोल गरे। उनले पहिलो हाफको इन्जुरी टाइममा गोल गरेका थिए। इन्जुरी टाइमको तेस्रो मिनेटमा उनले हेडमार्फत गोल गरे।
जितसँगै चेल्सीको शीर्ष चारमा रहेर च्याम्पियन्स लिगमा स्थान पक्का गर्ने अभियान थप बलियो भएको छ।
चेल्सीले अन्तिम दुई खेल बाँकी छदा चौथो स्थानको लेस्टर सिटी र पाँचौ स्थानको म्यानचेस्टर युनाइटेडसँग ४-४ अंकको अग्रता लिएको छ।
चेल्सीले ३६ खेलबाट ६३ अंक जोडेको छ भने एक खेल कम खेलेका लेस्टर र म्यानचेस्टरको समान ५९-५९ अंक छ।
