इंग्लिस प्रिमियर लिगको साविक विजेता लिभरपुलले सिजनमा विजयी सुरुवात गरेको छ।
लिभरपुलले शनिबार राति भएको खेलमा नवप्रवेशी लिड्स युनाइटेडलाई ४-३ गोलले पराजित गर्यो।
लिभरपुलका लागि मोहम्मद सलाहले ह्याट्रिक गरे। उनले चौथो मिनेटमै पेनाल्टीमार्फत गोल गरेर लिभरपुललाई सुरुवाती अग्रता दिलाएका थिए।
तर १२ मिनेटमा लिड्सका ह्यारिसनले बराबरी गोल फर्काए।
२० मिनेटमा लिभरपुलका डिफेन्डर भान डाइकले गोल गर्दै लिभरपुललाई दोस्रो पटक अग्रता दिलाए।
३० मिनेटमा बमफोर्डले लिड्सका लागि दोस्रो गोल गरेसँगै खेल २-२ गोलको बराबरीमा आयो।
सलाहले ३३ मिनेट गोल गर्दा लिभरपुल ३-२ ले अघि बढ्यो।
पहिलो हाफमै पाँच गोल भएको खेलमा दोस्रो हाफमा थप दुई गोल भयो।
६६ मिनेटमा लिड्सका क्लिन्चले गोल गर्दा खेल ३-३ को बराबरीमा आएको थियो।
तर खेल सकिन दुई मिनेट बाँकी छदा लिभरपुलले पेनाल्टी पायो। पनेाल्टीमा गोल गर्दै सलाहले ह्याट्रिक मात्र पूरा गरेनन् लिभरपुललाई ४-३ को रोमाञ्चक जिततर्फ अघि बढाए।
लिगको अन्य खेलमा क्रिस्टल प्यालेसले साउथह्याम्टनलाई १-० गोलले पराजित गरेको छ।
यस्तै अबेर राति भएको खेलमा न्युकासल युनाइटेडले वेस्ट ह्याम युनाइटेडलाई २-० गोलले पराजित गरेको छ।
त्यसअघि लिगको पहिलो खेलमा आर्सनलले फुलह्यामलाई ३-० गोलले पराजित गरेको थियो।
