जर्मन बुन्डेस लिगामा बोरुसिया डर्टमुन्डले लाइपजिगलाई पराजित गरेको छ।
शनिबार भएको खेलमा डर्टमुन्डले ३-१ गोलले पराजित गरेको हो।
पहिलो हाफ गोलरहित बराबरीमा सकिएको खेलमा ५५ मिनेटमा सान्चोको गोलबाट डर्टमुन्डले अग्रता लियो। उनले मार्को रेउसको पासमा गोल गरे।
७१ मिनेटमा हाल्यान्डले डर्टमुन्डको अग्रता दोब्बर पारे। उनलाई सान्चोले गोलका लागि पास दिए।
८४ मिनेटमा हाल्यान्डले ब्यक्तिगत दोस्रो गोल गर्दा डर्टमुन्ड ३-० ले अघि बढ्यो। यसपटक हाल्यान्डले रेउसको पासमा गोल गरे।
खेलको ८९ मिनेटमा लाइपजिका सोर्लोथले गरेको गोल सान्त्वनामै सीमित बन्यो।
हारसँगै लाइपिजले शीर्ष स्थानमा पुग्ने मौका गुमाएको छ। शीर्ष स्थानको वायर्न म्युनिखको १५ खेलबाट ३३ अंक छ।
दोस्रो स्थानको लाइपिजले ३१ अंक जोड्दा तेस्रो स्थानको वायर लिभरकुजेनको २९ र चौथो स्थानको डर्टमन्डको २८ अंक रहेको छ।