स्पेनिस ला लिगामा एट्लेटिको म्याड्रिडले अग्रता बढाउँदै लगेको छ।
एट्लेटिकोले बिहीबार राति भएको खेलमा एइबारलाई २-१ गोलले पराजित गर्दै दोस्रो स्थानको रियल म्याड्रिडसँग ७ अंकको अग्रता लिएको छ।
खेलको १२ मिनेटमा एइबारले पेनाल्टी पायो। प्राप्त अवसरमा उसका गोलकिपर डिमिट्रोभिकले गोल गरे।
खेलको ४० मिनेटमा एट्लेटिकोका लुइस सुआरेजले बराबरी गोल फर्काए।
८९ मिनेटमा एट्लेटिकोले पेनाल्टी पायो। प्राप्त अवसरमा सुआरेजलले गोल गर्दै एट्लेटिकोलाई २-१ ले अघि बढाए।
ला लिगाको अंक तालिकामा शीर्ष स्थानको एट्लेटिकोको १७ खेलबाट ४४ अंक छ।
दोस्रो स्थानको रियल म्याड्रिडको १८ खेलबाट ३७ अंक छ भने तेस्रो स्थानको बार्सिलोनाको ३४ अंक छ।