एफए कप फुटबल प्रतियोगिताको चौथो चरणमा म्यानचेस्टर युनाइटेडले लिभरपुललाई पराजित गरेको छ।
आइतबार भएको खेलमा युनाइटेडले लिभरपुललाई ३-२ गोलले हरायो।
खेलको १८ मिनेटमा लिभरपुलले सलाहको गोलबाट अग्रता लियो। २६ मिनेटमा युनाइटेडका ग्रिनउडले बराबरी गोल फर्काए।
खेलको ४८ मिनेटमा रास्फोडले गोल गरेर युनाइटेडलाई २-१ ले अघि बढाए।
५८ मिनेटमा लिभरपुलका लागि सलाहले दोस्रो गोल गर्दा खेल २-२ को बराबरीमा पुगेको थियो।
७८ मिनेटमा ब्रुनो फर्नान्डेज फ्रिकिकमा उत्कृष्ट गोल गरेका थिए।
प्रतियोगिताको अर्को खेलमा चेल्सीले लुटोनलाई ३-१ ले हरायो।
चेल्सीको जितमा टमी अब्राहमले ११, १७ र ७४ मिनेटमा गोल गर्दै ह्याट्रिक गरे।