म्यानचेस्टर सिटी इंग्लिस प्रिमियर लिगको शीर्ष स्थानमा उक्लिएको छ। मंगलबार राति भएको खेलमा वेस्ट ब्रुममाथि ५-० गोलको जित निकाल्दै सिटी शीर्ष स्थानमा उक्लिएको हो।
सिटीका लागि गुन्डोगनले खेलको ६ र ३० मिनेटमा गरी दुई गोल गरे।
कान्सेलोले २० मिनेटमा गोल गर्दा महारेजले पहिलो हाफको इन्जुरी टाइममा गोल गरे। सिटीले पहिलो हाफमा ४-० गोलले अग्रता लिएको थियो।
सिटीका लागि स्टर्लिङले ५७ मिनेटमा पाँचौ गोल गरे।
लिगको अर्को खेलमा आर्सनलले साउथह्याम्टनलाई ३-१ गोलले पराजित गरेको छ।
शीर्ष स्थानको म्यानचेस्टर सिटीले १९ खेलबाट ४१ अंक जोडेको छ। दोस्रो स्थानमा झरेको म्यानचेस्टर युनाइटेडले समान खेलबाट ४० अंक बटुलेको छ।
तेस्रो स्थानको लेस्टर सिटीको ३८ अंक छ।