इंग्लिस प्रिमियर लिगको साविक विजेता लिभरपुलले अर्को हार बेहोरेको छ।
लिभरपुललाई बिहीबार राति भएको खेलमा चेल्सीले १-० गोलले पराजित गरेको हो।
चेल्सीको जितमा मासन माउन्टले गोल गरे। उनले खेलको ४२ मिनेटमा गोल गरेका थिए। उनलाई गोल गर्न कान्टेले पास दिएका थिए।
यता एभर्टनलले वेस्ट ब्रुमलाई १-० गोलले पराजित गरेको छ।
जितसँगै एभर्टन २६ खेलबाट ४६ अंक जोडेर पाँचौ स्थानमा उक्लिएको छ।
लिभरपुललाई हराएको चेल्सी भने चौथो स्थानमा उक्लियो। चेल्सीले २७ खेलबाट ४७ अंक जोडेको छ।
लिभरपुल भने सातौं स्थानमा झर्यो। लिभरपुलको २७ खेलबाट ४३ अंक छ।
शीर्ष स्थानको म्यानचेस्टर सिटीको लिभरपुलभन्दा २२ अंक बढी ६५ अंक छ।
