आज शुक्रबार हलमा एक नेपाली फिल्मसँगै दुई विदेशी फिल्म प्रदर्शनमा आएका छन्।
नेपाली फिल्मतर्फ ‘प्रेमा’, विदेशीतर्फ हलिउड फिल्म ‘डन्जेन्स एण्ड ड्रागन्स: अनर एमङ थिम्स’ र दक्षिण भारतीय फिल्म ‘दसरा’ प्रदर्शनमा आएका हुन्।
गोविन्द सिंह भण्डारीको लेखन तथा निर्देशन रहेको फिल्म 'प्रेमा' मा अरुण क्षेत्री, शुभेच्छा खड्का, सृष्टि श्रेष्ठ, विमला केसी, हिउँवाला गौतम, पुरण जोशी, सविन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेल, भिभियाना थपलिया(काजु) लगायत कलाकारको अभिनय छ।
बाघठाटा फिल्म फ्याक्ट्री ब्यानरबाट निर्माण भएको फिल्म ‘प्रेमा’ मा त्रिकोणात्मक प्रेमकथा देखाइएको छ।
दक्षिण भारतीय फिल्म ‘दसरा’ मा नानी र र्कीति सुरेश, समुथिराकानी, प्रकाश राज, राजेन्द्र, प्रसाद, रोशन माथे, साइ कुमारलगायत कलाकारको अभिनय छ।
श्रीकान्त उडेलाको लेखन र निर्देशन रहेको फिल्ममा सुधाकर चेरुकुरीको लगानी छ।
फ्रान्सिस डेली र जोनाथन गोल्डस्टीन निर्देशित हलिउड फिल्म ‘डन्जेन्स एण्ड ड्रागन्स: अनर एमङ थिम्स’ मा क्रिस पाइन, मिशेल रोड्रिग्ज, रेगे-जीन पेज, जस्टिस स्मिथलगायत कलाकारको अभिनय छ।
प्रकाशित मिति: शुक्रबार, चैत १७, २०७९, ११:५६:१८
