बुधबार सेयर बजारको परिसूचक नेप्से १ अंकले बढेको छ। १ अंकले बढेपछि परिसूचक २८७२ अंकमा कायम भएको छ।
यस दिन ५ अर्ब ६५ करोडको सेयर किनबेच भएको छ। यसअघि हिजो १६ अंकले बढेको बजारमा ५ अर्ब ५४ करोडको कारोबार भएको थियो।
बैंकिङ ६, ब्यापार ११, विकास बैंक ११, निर्जीवन बीमा ८२, उत्पादन १५, अन्य १०, माइक्रोफाइनान्स १९ र जीवन बीमा ३२ अंकले घटेका छन्। होटल तथा पर्यटन ७, जलविद्युत ७४ र फाइनान्स समूह ३५ अंकले बढे।
यस दिन हिमालय पावर पार्टनरको मूल्य सबैभन्दा धेरै ८ प्रतिशतले बढेको छ। त्यस्तै नेपाल फाइनान्सको मूल्य ७.७, कालिका पावरको ७. १, एभरेष्ट इन्स्योरेन्स संस्थापक समूहको मूल्य ६.६ प्रतिशतले बढेको छ। रसुवागढी हाइड्रोपावरको मूल्य ५.९ र सान्जेनको मूल्य ५.७ प्रतिशतले बढेको छ।
यस दिन सूर्योदय लघुवित्तको मूल्य सबैभन्दा धेरै २ प्रतिशतले घटेको छ। घट्ने अरु कम्पनीको मूल्य गिरावट २ प्रतिशतमुनि रह्यो।
गोर्खा फाइनान्सको सबैभन्दा धेरै २९ करोड रुपैयाँको सेयर कारोबार भएको छ। त्यस्तै छिमेक लघुवित्तको २२ करोडको कारोबार भयो।
