रोह्टो मेन्थोलाटम नेपालले 'नेसनल डिलर मीट तथा प्रडक्ट लन्च' कार्यक्रम सम्पन्न गरेको छ।
कम्पनीले यही मे १७ मा काठमाडौंको होटल याक एन्ड यतीमा सञ्चालन गरेको कार्यक्रममा दुई सयभन्दा बढी डिलर सहभागी भएको जनाएको छ।
यो कार्यक्रमको उद्देश्य डिलरहरूको सहयोग–समर्थन, तालिम र व्यावसायिक सम्भावना वृद्धि गर्ने हो।
सोही कार्यक्रममा रोह्टोले नयाँ उत्पादन सार्वजनिक गरेको छ।
रोह्टोल मेलानो सिसी ब्रान्डमा लोसन, एसेन्स, जेल र मास्क सार्वजनिक गरेको हो।
त्यस्तै सनप्ले स्किनआक्वा ब्रान्डमा सिल्की ह्वाइट जेल, क्लिर ह्वाइट मिल्क, युभी सनस्क्रिन ह्वाटनिङ लोसन, टोनअप ल्याभेन्डर र रोज सार्वजनिक भएको छ।
कम्पनीका अनुसार मेलानो सिसी जापानी ब्रान्ड हो। कार्यक्रममा रोह्टो मेन्थोलाटम नेपालका अध्यक्ष हिरोफुमी शिरामास्तु र प्रबन्ध निर्देशक शुनशुके शिनोडाले डिलरहरूलाई धन्यवाद दिए।
कम्पनीकी ब्रान्ड एम्बासडर अभिनेत्री उपासना सिंह ठकुरी हुन्।
रोह्टो मेन्थोलाटम बहुराष्ट्रिय कम्पनी हो। सन् १८९९ मा ओसाका जापानमा स्थापित यो कम्पनी नेपालमा सन् २०१८ देखि भित्रिएको हो। कम्पनीको कारखाना बनेपामा छ।
