विश्वकप क्रिकेट लिग–२ मा नेपालले यूएईविरूद्ध टस जितेर पहिले फिल्डिङ गरिरहेको छ।
यूएईस्थित दुबई अन्तर्राष्ट्रिय क्रिकेट मैदानमा नेपालले तेस्रो सफलता हात पारेको छ।
नेपालका लागि कुशल मल्लले तेस्रो विकेट लिएका हुन्। उनले युएईका कप्तान सिपी रिजवानलाई २२ रनमा आउट गराए। ४० बल खेलेका रिजवानले एक चौकासमेत प्रहार गरेका थिए।
मल्लले आशिफ खान र रिजवानबीचको ४३ रनको साझेदारी तोडेका हुन्। यसअघि सन्दीप लामिछाने र करण केसीले १/१ विकेट लिएका थिए।
३० ओभरको समाप्तिमा युएईले तीन विकेट गुमाएर १०३ रन बनाएको छ।
केसीले मोहम्मद वासिमलाई शुन्य रनमा बोल्ड गरे। पहिलो ओभरमा करणले मेडन ओभर फाल्दै १ विकेट लिएका थिए।
यो समाचार तयार पार्दासम्म युएईले २ विकेट गुमाएर १४ ओभरमा ५३ रन बनाएर खेलिरहेको छ।
नेपाली कप्तान रोहित पौडेलले टस जितेर घरेलु टोलीविरुद्ध फिल्डिङ गर्ने निर्णय गरेका हुन्। रोहितले लगातार छैठौं पटक टस जितेका हुन्।
आज नेपाली टोलीमा राष्ट्रिय टोलीका पूर्वकप्तान सन्दीप लामिछाने पनि खेल्दैछन्। मौसम ढकाल (श्याम) घाइते भएपछि सन्दीप उनको स्थानमा खेल्न लागेका हुन्।
अभ्यासको क्रममा काँधमा चोट लागेका कारण मौसमको स्थान सन्दीपले लिएका हुन्।
सर्वोच्च अदालतले नाबालिग बलात्कारको आरोप लागेका सन्दीपलाई विदेश जान अनुमति दिएपछि उनी युएई पुगेका हुन्।
बिहीबार नै आईसीसीले सन्दीपलाई टोलीमा खेल्न स्वीकृतिसमेत दिएको थियो।
