बैंक अफ काठमान्डूले आर्थिक बर्ष २०७५/७६ मा १ अर्ब ९३ करोड खुद नाफा गरेको छ । यो आर्थिक बर्ष ७४/७५को तुलनामा ४०.६७ प्रतिशतले बढी हो । अघिल्लो वर्ष बैंकको खुद नाफा १ अर्ब ३२ करोड थियो ।
बैंकले सोही समयमा बैंकले ८२ अर्ब ९३ करोड निक्षेप संकलन तथा कर्जा लगानी ७१ अर्ब ७३ करोड गरेको छ । यस अवधिमा बैंकको जगेडा कोष ५ अर्ब ९४ करोड रहेको छ । बैंकको ब्याज आम्दानी अघिल्लो बर्षको तुलनामा २३.३८ प्रतिशतले बढेर ३ अर्ब ७७ करोड पुगेको छ ।
त्यस्तै बैंकको मूल्य आम्दानी अनुपात १०.६० गुणा, प्रतिशेयर नेट वर्थ १७३.७२ रुपैयाँ, प्रति शेयर आम्दानी २४.०४ रुपैयाँ, तथा आधार ब्याजदर ९.९८ प्रतिशत छ । बैंकको कोषको लागत ७.२६ प्रतिशत , पुँजी पर्याप्तता अनुपात १४.५८ र बैंकको खराब कर्जा १.५ प्रतिशत रहेको बैंकले बिहिबार जारी गरेको रिपोर्टमा उल्लेख छ ।