लकडाउनका कारण बीमाको प्रिमियम तिर्न नसेकालाई जेठ मसान्तसम्मको अवधि दिइएको छ।
बीमा समितिले परिपत्रमा संशोधन गर्दै बीमा कम्पनीहरुलाई लकडाउन अवधिको प्रिमियम जेठ मसान्तसम्म भुक्तानी गर्दा कुनै व्याज र जरिवाना नलाग्ने व्यवस्था मिलाउन निर्देशन दिएको छ।
त्यस्तै लकडाउनको अवधिमा समाप्त भएको बीमालेखको हकमा सम्वन्धित बीमितको लिखित अनुरोध (विद्युतीय माध्यमबाट प्राप्त समेत) का आधारमा बीमालेख नवीकरण गर्ने व्यवस्थालाई लकडाउन सकिएको मितिले पन्ध्र दिनसम्म कायम गर्ने व्यवस्था मिलाउन समितिले भनेको छ।
२०७६ चैत र २०७७ वैशाख महिनामा नवीकरण गर्नुपर्ने बीमा अभिकर्ता र सर्भेयरको इजाजतपत्र नवीकरणको म्याद असार मसान्तसम्म थप गरिएको छ।
निर्जीवन बीमकले तत्काल सिर्जना हुने दावी भुक्तानीको लागि विद्युतीय माध्यमबाट समेत निवेदन प्राप्त भएमा अवस्था सामान्य भएपछि तत्काल सर्भेयर खटाई क्षति एकीन गरी दावी भुक्तानी गर्न गर्न समितिले निर्देशन दिएको छ।
