नेपाल–भारत सिमाका भन्सार कार्यालयहरूमा प्रभु बैंकको काउण्टर थप सञ्चालनमा रहने भएका छन्।
अर्थ मन्त्रालय, भन्सार विभाग र प्रभु बैंकको समन्वयमा नेपाल–भारत सीमाका विभिन्न ७ भन्सार कार्यालयहरुमा प्रभु बैंकले काउण्टरहरूले थप समयावधिका लागि बैंकिङ्ग सेवा प्रवाह गर्ने भएका हुन्।
सो सम्बन्धी नविकरण सम्झौतामा नेपाल सरकार, अर्थ मन्त्रालय र भन्सार विभागका तर्फबाट विभागका महानिर्देशक सुमन दहाल र प्रभु बैंकका तर्फबाट प्रमुखकार्यकारी अधिकृत अशोक शेरचनले बिहीबार हस्ताक्षर गरेका छन्।
भद्रपुर भन्सार कार्यालय झापा, सुनसरी भन्सार कार्यालय सुनसरी, ठाडी भन्सार कार्यालय सिरहा, जलेश्वर भन्सार कार्यालय महोत्तरी, महेशपुर भन्सार कार्यालय नवलपरासी, सुठौली भन्सार कार्यालय कपिलवस्तु र सति भन्सार कार्यालय कैलालीमा सरकारी राजश्व/भन्सार संकलनका लागि सञ्चालनमा रहेका प्रभु बैंकका एक्स्टेन्सन काउण्टरहरुले थप सेवा दिने भएका छन्।
