आन्दोलनरत राजपा नेपाललाई चुनावमा सहभागी गराउनेबारे सत्तारुढ दल कांग्रेस र माओवादी केन्द्रसहित प्रमुख प्रतिपक्षी दल नेकपा एमाले, राजपा नेपाल र विजयकुमार गच्छदार नेतृत्वको नेपाल लोकतान्त्रिक फोरमको बैठक सुरु भएको छ।
सिंहदरबारस्थित् सभामुखको कार्यकक्षमा सुरू भएको५ दलको बैठकमा प्रधानमन्त्री शेरबहादुर देउवाले राजपा नेपाल चुनावमा सहभागी गराउन हर प्रयास गर्ने बताइएको छ।
परिस्थिति भए तराई मधेशमा अर्को चरणमा निर्वाचन गर्न सकिने प्रस्ताव प्रधानमन्त्री देउवाले यसअघिनै गरिसकेका छन् तर, यसको लागि राजपा नेपालले प्रतिबद्धता जनाउनुपर्ने सत्तारुढ दलको अडान छ ।
बैठकमा प्रधानमन्त्री देउवा, माओवादी केन्द्रका अध्यक्ष पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली, राजपा नेपालका अध्यक्ष महन्थ ठाकुर, विजयकुमार गच्छदार लगायत शीर्ष नेताहरु सहभागी छन्।