अख्तियार दुरुपयोग अनुसन्धान आयोगले कर फर्छ्यौट आयोगका अध्यक्ष लुम्बध्वज महत र सदस्य उमेशप्रसाद ढकाललाई फरार सूचीमा राख्दै उनीहरुबारे सूचना दिनेलाई पुरस्कार दिने घोषणा गरेको छ।
अख्तियारले बिहिबारको गोरखापत्रमा महत र ढकालको फोटोसहितको सूचना प्रकाशित गरी देख्ने वा फेला पार्ने जोसुकैलाई आयोगको हटलाइन १०७ र नजिकको प्रहरी कार्यालयमा सूचना दिन अनुरोध गरेको छ।
तत्कालीन अर्थमन्त्री डा. रामशरण महतको पालामा गठन भएको कर फर्छ्यौट आयोग, २०७१ का पदाधिकारीले भ्रष्टाचार गरेको भन्ने उजुरीको अनुसन्धानको सिलसिलामा अख्तियारले सदस्य चुडामणि शर्मालाई जेठ १९ जेठमा नियन्त्रणमा लिएको थियो।
त्यसलगत्तै महत र ढकाललाई पनि अख्तियारमा उपस्थित हुन सूचना जारी गरिएकोमा उनीहरु उपस्थित नभएकोले अख्तियारले उनीहरूबिरूद्ध सार्वजनिक सूचना निकालेको हो।