सुनसरीको सदरमुकाम इनरूवा नगरपालिका र रामधुनी गाउँपालिकामा नेपाली कांग्रेस विजयी भएको छ। हालै सार्वजनिक भएको अन्तिम मतपरिणाम अनुसार सुनसरी सदरमुकाम इनरूवा नगरपालिकाको मेयर उपमेयर दुवैमा नेपाली कांग्रेसका उम्मेदवारले जित हासिल गरेका हुन्।
नेपाली कांग्रेसका मेयर उम्मेद्वार राजन मेहताले १०९८७ मत ल्याउँदै विजयी भएका हुन्। उनले एमालेका पोष्टकुमार नेपाललाई ९८१३ लाई हराएका हुन्।
यस्तै उपमेयरमा पनि नेपाली कांग्रेसकै जनमुनादेवि पोखरेलले १०९०६मत ल्याएर विजयी भइन्। उनले नेकपा एमालेकी कवितादेवि यादव ९१४९लाई हराएर इनरूवा नगरको उपमेयर निर्वाचित भएकी हुन्।
सुनसरीकै रामधुनी नगरपालिकामा पनि नेपाली कांग्रेस विजयी भएको छ। मेयरमा जयप्रसाद चौधरीले ९७०६ मत ल्याएर बिजयी भएका छन् भने उपमेयरमा एमालेकी सविना चौधरी ९७४२ मतसहित विजयी भएकी छन्।
यस्तै सुनसरीकै हरिनगरा गाउँपालिकामा नेपाली कांग्रेसका गफार अन्सारी विजयी भएका छन्। उनले ५६५२ मत पाएर विजयी भएका हुन्। त्यस्तै उपाध्यक्षमा कांग्रेसकै रिमझिमकुमारी भगत ५०९६ मत ल्याएर विजयी बनिन्।