आजका तस्बिर- पुस ६

ओखरेनी गाउँ । सिन्धुपाल्चोकको लेकाली क्षेत्रको ओखरेनी बस्ती। पाँचपोखरी थाङपाल गाउँपालिकाको लागार्चेमा पर्ने यो गाउँ झण्डै साढे दुई हजार मिटरको उचाइमा छ। तस्बिर: रुपक पुरी/रासस

घाम ताप्दै । काठमाडौंको मूलपानीमा रहेको एउटा टहरोमा घाम ताप्दै गरेका बकुल्लाहरू। तस्वीर: नवीनबाबु गुरूङ/सेतोपाटी

किसानी । काठमाडौंको मूलपानीस्थित एउटा फार्ममा साग टिप्दै गरेकी एक महिला। तस्बिर: नवीनबाबु गुरूङ/सेतोपाटी

न्यानो कपडा पाउँदा विद्यार्थी खुसी । मुगु जिल्ला सोरु गाउँपालिका अन्तर्गत विजय मावि कालैका विद्यार्थीले न्यानो कपडा र स्कुल ड्रेस पाउँदा देखिएको खुसी। ब्याक टु लाइफ नामक अन्तर्राष्ट्रिय संस्थाको आर्थिक र कर्णाली सामुदायिक विकास केन्द्र मुगुको सहकार्यमा मुगुका ८ वटा विद्यालयका एक हजार ८५ विद्यार्थीलाई न्यानो कपडा र स्कुल ड्रेस वितरण गरिएको छ। तस्बिर: नृपेन्द्रबहादुर मल्ल/रासस