आजका तस्बिर- फागुन १०

उखु रोप्दै गरेका किसान । कञ्चनपुरको लालझाडी गाउँपालिकाको चाँन्देवका किसान खेतमा उखु रोप्दै। यस क्षेत्रका किसानले व्यावसायिक रूपमा उन्नत जातका उखु खेती गर्दै आएका छन्। उखु कात्तिक र फागुन महिनामा रोप्ने गरिन्छ। तस्बिर: राजेन्द्रप्रसाद पनेरु/रासस

परालको माच । मोरङको सुन्दरहरैँचा नगरपालिकास्थित गोठगाउँमा रहेको एक फार्ममा गाईवस्तुलाई खुवाउन सङ्कलन गरेर राखेको परालको माच। यहाँ धानको पराल १६ मुठ्ठाको रू ७०० मा खरिदबिक्री हुने गरेको छ। तस्बिर: मणिराम दाहाल/रासस

हिउँमा रमाउँदै साना विद्यार्थी । रातभरको हिमपातले भरिएको मनाङ चामे गाउँपालिका–१ तिमाङमा रहेको गौरीशंकर आधारभूत विद्यालयका साना विद्यार्थी हिउँले ढाकिएको विद्यालयको प्रांगणमा रमाउँदै। यस विद्यालय समुन्द्री सतहदेखि दुई हजार ८०० मिटर उचाइमा अवस्थित छ। तस्बिर:नवीन लामिछाने/रासस