तनहुँमा पहिलो कोरोना संक्रमित फेला परेका छन्।
गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डाक्टर विनोदविन्दु शर्माले दिएको जानकारीअनुसार ऋषिङ गाउँपालिकाका एक २८ वर्षीय पुरूषमा कोरोना पोजेटिभ देखिएको हो।
ऋषिङ गाउँपालिकाका अध्यक्ष राजेन्द्रकृष्ण श्रेष्ठले संक्रमित पुरूषको स्थायी ठेगाना ऋषिङ गाउँपालिका भए पनि उनी ब्यास नगरपालिकामा बसोबास गर्छन्।
‘ब्यास नगरपालिकास्थित आदिकवि भानुभक्त क्याम्पसमा रहेको क्वारेन्टाइमा रहेका पुरूषमा कोरोना देखिएको हो,’ अध्यक्ष श्रेष्ठले सेतोपाटीसँग भने।
उनी दश दिनअघि भारतबाट आएको खुलेको उनले बताए। ‘नागरिकताको ठेगाना ऋषिङको छ। तर उनी ब्यास नगरपालिका बस्छन्,’ उनले भने, ‘लकडाउनकै बेला उनी भारतबाट आएर क्वारेन्टाइनमा बसेका थिए।’
गण्डकी प्रदेशमा आइतबार तीन जनामा कोरोना पुष्टि भएको हो। स्याङ्जाको गल्याङ नगरपालिकाका २७ र ४० वर्षका पुरूषमा कोरोना देखिएको हो। गण्डकीमा अहिलेसम्म कोरोना संक्रमित संख्या २४ पुगेको छ।
