रूपन्देही-२ मा राष्ट्रिय स्वतन्त्र पार्टी (रास्वपा) का सुलभ खरेलले नेकपा एमालेका विष्णु पौडेलसँग चार गुणाभन्दा बढीको फराकिलो मतान्तर कायम गरेका छन्।
पछिल्लो मत परिणाम अनुसार खरेलले ४०७४ मत प्राप्त गर्दा नेकपा एमालेका विष्णु पौडेलले जम्मा ८४५ मत ल्याएका छन्।
तेस्रो स्थानमा रहेका नेपाली कांग्रेसका चुन्नप्रसाद शर्मा पौडेलले ५०४ मा प्राप्त गरेका छन्।
यो नतिजा तिलोतमा नगरपालिका वडा नम्बर १ र बुटवल उपमहानगरपालिका वडा नम्बर १ को हो। अहिले सैनामैना नगरपालिका वडा नम्बर १ को मतगणना हुँदैछ।
रूपन्देही–२ निर्वाचन क्षेत्रमा बुटवल उपमहानगरपालिकाका १ देखि १३ नम्बर वडा छन् भने तिलोत्तमा नगरपालिकाका १ देखि ६ नम्बर वडा र सैनामैना नगरपालिकाका १ देखि ४ नम्बर वडा पर्छन्।
यो क्षेत्रमा नेकपा एमालेका विष्णु पौडेल, नेपाली कांग्रेसका चुन्नप्रसाद शर्मा पौडेल, रास्वपाका सुलभ खरेल, नेपाली कम्युनिस्ट पार्टी (नेकपा) का विश्वदीप पाण्डे, जनता समाजवादी पार्टी (जसपा) का दीपक गुरूङ, जनमत पार्टीका रमेश लोध लगायत विभिन्न दलका र स्वतन्त्र उम्मेदवार समेत गरी ३९ जना प्रतिस्पर्धामा छन्।
