नेकपाका सांसद भीम रावलले चकलेटमा कर घटेको र मलमा कर बढेको विषयमा संसदमा प्रश्न उठाएका छन्।
प्रतिनिधि सभा बैठकमा विनियोजन विधेयकको मन्त्रालयगत छलफलमा उनले विद्युतीय सवारी साधनमा कर बढेको विषयमा समेत प्रश्न उठाए।
बजेटको विषयमा टिप्पणी गर्दै रावलले कहिलेकाँही सेतो कागजमा थोरै कालो लाग्दा पाना नै खराब हुने बताए। उनले एमसिसीको विषय बजेटमा राखिएकोमा विरोध गरे। साथै सरकारले ल्याएको बजेटका कतिपय विषय नेकपाको घोषणापत्रसँग मेल नखाएको बताए। उनले लिम्पयाधुरा कालापानी पुग्ने सडकलाई बजेट नपरेकोमा समेत दुख व्यक्त गरे।
