जनता समाजवादी पार्टी नेपालको आन्तरिक विवादबारे निर्वाचन आयोगमा सुनुवाइ भएको छ।
प्रमुख निर्वाचन आयुक्त दिनेशकुमार थपलियाको नेतृत्वमा आयुक्तहरू रहेको इजलासमा आइतबार बिहान ११ बजेदेखि सुनुवाइ जारी छ।
निर्वाचन आयोगका प्रवक्ता राजकुमार श्रेष्ठले सुनुवाइ जारी रहेको सेतोपाटीलाई बताए।
जसपामा अध्यक्षद्वय महन्थ ठाकुर र उपेन्द्र यादव पक्षबीच विवाद छ। उनीहरूले आ-आफ्नो पक्ष आधिकारिक जसपा भएको दाबी गरिरहेका छन्।
बहस सकिएपछि आयोगबाट निर्णय आउनेछ। आयोगले जसपाको नाम र चिन्ह नपाउनेलाई अर्को दल दर्ताका लागि समय दिनेछ।
