नेपाली कांग्रेसका सांसद गगन थापाले निवर्तमान प्रधानमन्त्री केपी शर्मा ओलीले प्रतिनिधि सभा बैठकमा दम्भ प्रस्तुत गरेपनि सरकारले प्रतिपक्षका प्रश्नहरुको जवाफ दिनुपर्ने बताएका छन्।
प्रतिनिधि सभा बैठकमा विशेष समय लिएर थापाले उनको प्रश्नमा कुण्ठा, अहंकार, क्रोधसँगै ईश्या रहेको बताए। 'तरपनि प्रतिपक्षले गरेको प्रश्न निम्छरो हुदैँन प्रश्नलाई सरकारले गम्भीरतापूर्वक लिनुपर्छ', थापाले भने, 'एउटा एउटा प्रश्नको उत्तर सरकारले दिनुपर्छ। तर गफबाट होइन। कामबाट।'
प्रमुख प्रतिपक्षी दलका नेता केपी शर्मा ओलीले गत २६ गते सकरारको न्यूनतम साझा कार्यक्रमबारे टिप्पणी गरेका थिए। उनले परामदेशबाट बनेको सरकारका रुपमा शेरबहादुर देउवा नेतृत्वको सरकारलाई टिप्पणी गर्दै एमसिसी के गर्नुहुन्छ भनेर सोधेका थिए। थापाले जवाफमा १६५ सांसदको सरकारलाई ओलीले प्रश्न गरेकोमा व्यङ्ग कस्दै २०८ सांसद हुदाँ किन केहि नगरेको भन्दै प्रश्न गरे।
थापाले प्रतिनिधि सभा बैठकमा प्रमुख प्रतिपक्षी दलको नेताको भूमिका केपी ओलीलाई उल्लेख गरे। उनले अब १८ महिना ओलीलाई प्रतिपक्षीको भूमिमा राख्ने र फेरि आएपनि त्यहि भूमिकामा राख्ने बताए। ओलीले प्रतिनिधि सभा बैठकमा जनादेश मार्फत् फेरि आफू सरकारमा आउने बताएका थिए।
हेर्नुहोस् भिडिओ
