प्रधानमन्त्री पुष्पकमल दाहाल 'प्रचण्ड'ले देशलाई अर्थिक संकटबाट पार लगाउनेगरी काम गर्ने बताएका छन्।
भरतपुरको नारायणी नमूना माविको हिरक महोत्सव उद्घाटन गर्दै उनले यो कार्यकाल भाषण कम, काम धेरै र जनताको सेवा धेरै गरेर प्रस्तुत हुने प्रतीज्ञा गरे।
'पहिलो क्याबिनेट बैठकबाट देशको अगाडि अर्थतन्त्रमा सुधार गर्नपर्ने ऐतिहासिक आवश्यकता, त्यो संकटबाट पार लगाउनुपर्ने आवश्यकता, सुशासन कायम गर्नुपर्ने ऐतिहासिक आवश्यकता, भ्रष्टाचार र बेथिति नियन्त्रण गर्ने आवश्यकता, जनतालाई विभिन्न क्षेत्रमा पाइरहेका सास्तीहरूबाट मुक्त गर्नुपर्ने आवश्कता इंगित गरेर मैले निर्णय गरेको छु,' प्रधानमन्त्री प्रचण्डले भने, 'जनतालाई पिर मर्कामा पार्ने कुनै पनि निर्णयमाथि मैले कठोर कदम चलाएर जनता र राष्ट्रको पक्षमा नै जाने संकल्प लिएको छु।'
उनले सुशासन र समृद्धिको नयाँ युगको सुत्रपात गर्न एकजुट हुन अपिल गरे।
यो पनि:
चितवन पुगेर प्रधानमन्त्री प्रचण्डले भने- म यो कार्यकालमा भाषण कम, काम धेरै गर्छु
