प्रतिनिधि सभाको बिहीबारको बैठक सुरू भएको छ।
अपराह्न ४ बजेका लागि बोलाइएको बैठक करिब दुई घन्टा ढिला सुरू भएको हो।
प्रमुख प्रतिपक्षी नेपाली कांग्रेसले सहकारी प्रकरणमा उपप्रधान तथा गृहमन्त्री रवि लामिछाने जोडिएको भन्दै संसदीय छानबिन समिति गठनको माग गरेको छ।
संसदीय समिति गठन नभएसम्म सदन चल्न नदिने कांग्रेसले बताउँदै आएको छ।
सभाामुख देवराज घिमिरेले बैठक सुरू गर्नेबित्तिकै कांग्रेस सांसदहरूले वेल घेराउ गरेका थिए। उनीहरूले सहकारी प्रकरणमा संसदीय छानबिन समिति गठनको माग गर्दै नाराबाजी गरेका छन्।
सभामुख घिमिरेले नीति तथा कार्यक्रम प्रस्तुत गरेकोकोमा राष्ट्रपति रामचन्द्र पौडेललाई धन्यवाद दिनेलगायत कार्यसूची रहेको जानकारी गराएका थिए।
सभामुख घिमिरेले राष्ट्रपति कार्यालयबाट प्राप्त पत्र पढेर सुनाएपछि राप्रपा, लोसपालगायत दलका सांसदहरू पनि बसेको ठाउँबाट उठेर विरोध जनाएका छन्।
कांग्रेसको अवरोधपछि राष्ट्रिय सभा बैठक पनि स्थगित भएको थियो।
भिडिओ:
