काठमाडौं उपत्यकामा थप आठ सय ५१ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयले आइतबार दिएको जानकारीका अनुसार उपत्यकामा आठ सय ५१ जना संक्रमित थपिएका हुन्।
काठमाडौंमा मात्रै पाँच सय ९४ जना नयाँ संक्रमित थपिएका हुन्। ललितपुरमा एक सय ६६ र भक्तपुरमा ९१ जना संक्रमित थपिएको मन्त्रालयले जनाएको छ।
त्यस्तै उपत्यकामा आठ हजार सात सय ८७ जना सक्रिय संक्रमित छन्। काठमाडौंमा छ हजार ९८, ललितपुरमा एक हजार पाँच सय ६४ र भक्तपुरमा एक हजार एक सय २५ जना सक्रिय संक्रमित छन्।
पछिल्लो २४ घण्टामा नेपालमा थप दुई हजार पाँच सय ६८ जनामा कोरोना पुष्टि भएको हो। १२ हजार छ सय ३६ जनामा कोरोना परीक्षण गर्दा सो संख्यामा संक्रमित थपिएको हो।
यसको संक्रमणबाट थप १८ जनाको मृत्यु भएको छ। योसँगै नेपालमा कोरोना भाइरसको संक्रमणबाट नौ हजार आठ सय ७५ पुगेको छ। त्यस्तै दुई हजार २० जना निको भएका छन्।