एनआरएनए मलेसियाले आगामी अक्टोबरमा हुने एनआरएनएको चुनावका लागि उपाध्यक्षसहित एसिया प्यासेफिकको संयोजकमा २ जनाको नाम सिफारिस गरेको छ।
आइतबार क्वालालम्पुरमा बसेको एनआरएनए मलेसियाको बैठकले केन्द्रीय उपाध्यक्षमा खगेन्द्र न्यौपाने र एसिया प्यासेफिकको संयोजकमा हरिप्रसाद भट्टराईलाई उठाउने निर्णय गरेको हो।
न्यौपाने हाल एनआरएनको सचिव छन भने भट्टराई एसिया प्यासेफिकका उपसंयोजक हुन।
'आज बसेको बैठकले उपाध्यक्षमा न्यौपाने र एसिया प्यासेफिकको संयोजकमा भट्टराईलाई उठाउने निर्णय गरेको छ,' एनआरएनए मलेसियाका अध्यक्ष विनोद थापाले भने, 'यो नै आधिकारिक निर्णय हो।'
एनआरएनएको नयाँ नेतृत्व चयनका लागि आगामी अक्टोबर १७ तारिखदेखि २० तारिखसम्म काठमाडौंमा सम्मेलन हुँदैछ।
