कोलकता नाइट राइडर्सले इंग्ल्यान्डका ब्याट्सम्यान जेसन रोयलाई आइपिएल २०२३ का लागि भित्र्याएको छ।
उनलाई ४ करोड ४९ लाख रुपैयाँ (भारु २.८ करोड) मा अनुबन्ध गरिएको हो।
श्रेयस अय्यर ढाडको तल्लो भागमा चोट लागेका कारण प्रतियोगिताबाट बाहिरिएका छन् भने बंगलादेशका अलराउन्डर शकिब अल हसनले सिजनका लागि आफू उपलब्ध नहुने पुष्टि गरेका छन्।
यसअघि २०१७ र २०१८ सिजनमा खेलेका रोयले अन्तिम पटक २०२१ सिजनमा सनराइजर्स हैदरावादबाट खेलेका थिए।
२०२१ मा उनले पाँच खेल खेल्दै एक अर्धशतकसहित १५० रन बनाएका थिए।
३२ वर्षीय रोएले इंग्ल्यान्डका लागि ६४ टी-२० खेलेका छन्। जसमा ८ अर्धशतक समावेश छन् भने कूल १५२२ रन बनाएका छन्।
