सहिद स्मारक ए डिभिजन लिगमा त्रिभुवन आर्मी क्लबले फ्रेन्ड्स क्लबलाई पराजित गरेको छ।
च्यासल रंगशालामा भएको खेलमा आर्मीले फ्रेन्ड्समाथि २-१ गोलको पुनरागमन जित हात पारेको हो।
खेलको छैटौं मिनेटम फ्रेन्ड्सका रफिक अमिनुले गोल गर्दै आफ्नो टिमलाई सुरुआती अग्रता दिलाए।
२४ मिनेटमा आर्मीका लागि जिलेस्पी कार्कीले बराबरी गो फर्काए।
दोस्रो हाफको इन्जुरी टाइमको चौथो मिनेटमा दीपक गुरुङले गोल गरेपछि आर्मीले रोमाञ्चक जित हात पार्यो।
लिगमा आर्मी ८ अंकसहित पाँचौ स्थानमा उक्लिएको छ। यता फ्रेन्ड्स भने ४ अंकसहित १२औं स्थानमा छ।
दशरथ रंगशालामा भएको दिनको पहिलो खेलमा नेपाल पुलिस क्लब र न्युरोड टिमले १-१ गोलको बराबरी खेलेका छन्।
खेलको ६४ मिनेटमा संजय विष्टको गोलबाट न्युरोडले अग्रता लियो। तर पुलिसका लागि प्रताप गुरुङले ७५ मिनेटमा बराबरी गोल फर्काए।
अंक तालिकाको लिगमा पुलिसले पहिलो अंक जोडेको छ। यता पुलिसभन्दा माथि १३औं स्थानको एनआरटी २ अंक भएको छ।
प्रकाशित मिति: शनिबार, चैत ४, २०७९, १९:१०:००
