निशान म्यागनाइट एसयुभीको मूल्य बढेको छ। निशानको लागि नेपालको आधिकारिक वितरक पायोनियोर मोटोकर्पले आइतबारदेखि लागू हुनेगरी म्यागनाइट एसयुभीको नयाँ मूल्य सूची सार्वजनिक गरेको हो।
१.० लिटर बि४डी पेट्रोल म्यान्युअल ट्रान्समिसन र १.० लिटर एचआरएओ टर्बो पेट्रोल म्यान्युअल ट्रान्समिसनमा उपलब्ध म्यागनाइट विभिन्न ११ वटा भेरिएन्टमा छ। यसमा भएको पेट्रोल इन्जिनले ६ हजार २ सय ५० आरपिएममा ७२ पिएस पावर र ३ हजार ५ सय आरपिएममा ९६ एनएम टर्क जेनेरेट गर्छ। यसको डिजेल इन्जिनले ५ हजार आरपिएममा १ सय पिएस पावर र २ हजार ८ सयदेखि ३ हजार ६ सय आरपिएममा १६० एनएम टर्क जेनेरेट गर्छ।
सुरक्षाको लागि गाडीमा डुअल एयरब्याग, एबिएस, इबिडी, सिट बेल्ट रिमाइन्डर, एलइडी फ्रन्ड फग ल्याम्प, स्पिड सेन्सिङ लक, रेयर क्यामेरा विथ प्रोजेक्सन गाइड, हिल स्टार्ट असिस्ट, रिमोट किलेस इन्ट्री लगायतका विशेषताहरू छन्।
२०५ मिलिमिटर ग्राउन्ड क्लियरेन्स रहेको यो गाडीमा ३३६ लिटर बुट स्पेस छ। म्यागनाइट विभिन्न ८ वटा रङ्गमा उपलब्ध छ।
नेपाली बजारमा सार्वजनिक भएको समय निशान म्यागनाइटको सुरुवाती मूल्य जम्मा २९ लाख ४९ हजार थियो। अहिले भने म्यागनाइटको सुरुवाती बजार मूल्य ३० लाख ९९ हजार पुगेको छ।
त्यस्तै अन्य भेरियन्टको मूल्य यस प्रकारको छः
मोडल | भेरिएन्ट | इन्जिन क्षमता | पहिलेको मूल्य | नयाँ मूल्य |
म्यागनाइट | एक्सई बेस | ९९९ सिसी | २९,४९,००० | ३०,९९,००० |
एक्सएल मिड | ९९९ सिसी | ३१,९९,००० | ३३,९९,००० |
एक्भी अपर (मोनो) | ९९९ सिसी | ३४,९९,००० | ३६,९९,००० |
एक्भी अपर (डुअल) | ९९९ सिसी | ३५,२९,००० | ३७,४९,००० |
एक्सभी प्रिमियम (मोनो) | ९९९ सिसी | ३७,९९,००० | ४०,४९,००० |
एक्सभी प्रिमियम (डुअल) | ९९९ सिसी | ३८,२९,००० | ४०,९९,००० |
म्यागनाइट टर्बो | एक्सएल मिड | ९९९ सिसी | ३६,९९,००० | ३८,९९,००० |
एक्सभी अपर (मोनो) | ९९९ सिसी | ३९,९९,००० | ४१,९९,००० |
एक्सभी अपर (डुअल) | ९९९ सिसी | ४०,२९,००० | ४२,४९,००० |
एक्सभी प्रिमियम (मोनो) | ९९९ सिसी | ४२,९९,००० | ४४,९९,००० |
एक्सभी प्रिमियम (डुअल) | ९९९ सिसी | ४३,२९,००० | ४५,४९,००० |
