राष्ट्रिय स्वतन्त्र पार्टीका उपसभापति डोलप्रसाद अर्यालले कांग्रेसले असंसदीय र अमर्यादित व्यवहार देखाएको बताएका छन्।
संसदीय राजनीतिको लामो इतिहास भएको पार्टीले बिहीबार संसदमा अमर्यादित व्यवहार देखाएको अर्यालले बताएका हुन्।
आजको संसद बैठकमा भने कांग्रेस सुधारिएर आउने अपेक्षा रास्वपाले गरेको उनले बताए।
‘हामी भर्खर सिक्दै छौं। उहाँहरू त लामो समय राजनीति गरेर आउनुभएको छ। यो व्यवहार अलि भएन,’ उनले भने, ‘आज कांग्रेस त्यसरी प्रस्तुत हुँदैन भन्ने ठानेका छौं।’
सहकारी प्रकरणमा मुछिएका उपप्रधानमन्त्री एवम् गृहमन्त्री रहेका रास्वपा सभापति तथा दलका नेता रवि लामिछानेमाथि छानबिन गर्न संसदीय समिति माग गर्दै प्रमुख प्रतिपक्षी दल नेपाली कांग्रेसले संसद अवरोध गर्दै आएको छ।
कांग्रेसले संसदीय समिति नबनेसम्म लामिछानेलाई रोष्ट्रमबाट बोल्न नदिने रणनीति पनि लिएको छ।
बिहीबारको प्रतिनिधि सभामा प्रमुख प्रतिपक्षी दल रहेको कांग्रेसको अवरोधका बीच सभामुख देवराज घिमिरेले गृहमन्त्रीलाई बोल्न समय दिएपछि कांग्रेस र एमालेका सांसदहरूबीच धकेलाधकेल भएको थियो।
सभामुखले समय दिएपछि रोष्ट्रमतिर जान लागेका लामिछानेलाई वेल घेरिरहेका कांग्रेस सांसदहरूले बाटो छेकेका थिए।
गृहममन्त्रीलाई बाटो छेकेपछि एमाले संसदीय दलका नेता केपी ओली उठेर नाराबाजी भइरहेको स्थामा पुगेका थिए।
त्यसपछि कांग्रेस र एमालेका सांसदहरूबीच धकेलाधकेलको अवस्था आएको थियो।
‘अर्को पार्टीको अध्यक्षमाथि हातपातको प्रयास नै भयो। आजको बैठकमा कांग्रेसले व्यवहार सुधार्छ भन्ने अपेक्षा गरेका छौं,’ उपसभापति अर्यालले सेतोपाटीसँग भने।
बिहीबारको घटनापछि रास्वपा सह-प्रवक्ता रहेका सांसद मनिष झाले कांग्रेसको व्यवहारका कारण अब संसदीय समिति नबन्ने घोषणा गरेका थिए।
उनले संसदीय छानबिन समिति बनाउन दुइटा सर्तमा रास्वपा तयार रहेको बताएको विहीबारको संसद बैठकमा त्यो सर्त पालना नभएकाले अब संसदीय छानबिन समिति बनाउने पक्षमा रास्वपा नरहेको बताएका थिए।
बिहीबार संसदमा भएको घटनाको समीक्षा आज बस्ने बैठकबारे छलफल गर्न कांग्रेसले ९ बजे बस्नेगरी संसदीय दलको बैठक बोलाएको छ।
गृहमन्त्रीले विधेयक प्रस्तुत गर्ने कार्यसूची आजको प्रतिनिधि सभा बैठकको कार्यसूचीबाट हटाइएको छ।
यो पनिः
अब संसदीय छानबिन समिति बन्दैनः रास्वपा
प्रतिनिधि सभा बैठकमा कसरी भयो धकेलाधकेलको स्थिति?
सरकारले अलमल्याउने कोसिस गर्यो, भोलिसम्म संसदीय समिति बनाओस्: कांग्रेस
-1742801159.jpg)
