कोरोनाको दोश्रो लहर फैलिने र त्यसले थप आर्थिक नोक्सानी हुने डरले विश्व सेयर बजारमा भारी गिरावट आएको छ।
बजारमा यो गिरावट अमेरिकी फेडरल रिजर्वले अमेरिकाको अर्थ व्यवस्था तङ्रिन लामो समय लाग्ने चेतावनी दिएपछि देखिएको बिबिसीले जनाएको छ।
यो साता अमेरिकाका तीन मुख्य सेयर बजारमा उल्लेख्य गिरावट आएको छ। डाउ जोन्स इण्ड्स्ट्रियलमा ७ प्रतिशतको औषत गिरावट देखिएको छ।
शुक्रबार एसियाको सेयर बजारमा पनि गिरावट आएको छ। जापान, हङकङ र चीनका सेयर बजारहरू सामान्यभन्दा धेरै तल झरेका छन्।
उर्जा र पर्यटनको सेयरमा धेरै गिरावट देखिएको छ। कच्चा तेलको विश्व मूल्यमा पनि यसको असर देखिएको छ।
