कोरोना महामारीको समयमा ‘हाम्रो मेडिकल सेवा’ले सेवाग्राहीहरुको लागि घरमै गएर पिसिआर परिक्षण र कोभिडको उपचार व्यवस्थापन गर्ने कार्य सुरु गरेको छ।
यो सेवा मार्फत विभिन्न मेडिकल टेस्टको घरबाटै सुबिधा लिन सकिने र घरैमा औषधि मगाउन सकिने हाम्रो मेडिकल सेवाका प्रबन्धक सरोज महतोले बताए।
उनका अनुसार हेल्थ सेफ्टी बक्स, रक्तचाप परिक्षण मेसिन, अक्सिमिटर, थर्मोमिटर, ह्यान्ड स्यानिटाइजर, व्हिलचियर, विरामीको लागि बेड लगायतका स्वास्थ्य सामाग्री घरैमा मगाउन सकिने छ।
यो सेवा अहिले काठमाडौं, भक्तपुर र ललितपुरमा दिइरहेको छ भने अर्को सातादेखि सबै प्रदेशका मुख्य शहरहरूमा दिइने उनले बताए।
‘सबै प्रदेशमा एकजना अप्रेसन म्यानेजर खटाएर सेवा दिन्छौं,’ उनले भने।
अहिले यो सेवामा व्यवस्थापन मार्फत १२ जनाको समुह छ। त्यस्तै, मेडिकल सेवामा भने १५ जना नर्स, सिरियर ल्याब टेक्निसियन ५ जना र अन्य सहयोगी छन्।
यहाँबाट कोभिड उपचार प्याकेज, फुल बढी जाँच प्याकेज ल्याइएको छ। यसको शुल्क ५ हजार देखि ७ हजारसम्म छ। त्यस्तै, पिसिआर मात्र जाँच गरेको २ हजार र ५ सय रूपैयाँ सर्भिस चार्ज लिइने उनले जानकारी दिए।
त्यस्तै निम्न आय भएका सेवाग्राहीहरुको लागि भने यो सेवा निःशुल्क रुपमा प्रदान गरिने महतोको भनाइ छ।
कम्पनीले विभिन्न प्याथोलोजि ल्याब, मेडिकल सेन्टर तथा अस्पतालहरुसँगको सहकार्यमा यो सेवा प्रदान गर्दै आएका छ।
हाम्रो मेडिकल सेवाले देश भरका सेवाग्राहीहरुलाई मध्येनजर गर्दै फोन मार्फत र सामाजिक संजालमा भिडियो कल गरेर टेली—मेडिकल सेवाको पनि व्यवस्था गरेको बताइएको छ।
कुनै पनि मेडिकल सेवाको लागि सेवाग्राहीले ९८४३३४६६०५ मा फोन वा भाइवर, ह्वाट्सएप मार्फत सम्पर्क गर्नसक्ने छन्।
आगामी दिनहरुमा मेडिकल सेवा र सुविधालाई देशभरि नै विस्तार गर्ने योजना रहेको महतोले बताए।
हाम्रो मेडिकल सेवा कुनै पोलिक्लिनिक, अस्पताल वा मेडिकल सेन्टर नभई यो एउटा समुह हो।
जसले मेडिकल क्षेत्रका सरोकारवाला संस्थाहरुको समन्वयमा स्वास्थ्य सेवालाई घर–घरमै पुर्याउने काम गर्दछ।
एकसाता अघिदेखि यसले क्रिष्टल डाइनोष्टिक ल्याबसँगको सहकार्यमा मेडिकल सेवा दिँदै आएको छ।
