नेपाली कांग्रेसका नेता प्रकाशमान सिंहले व्यवसायीहरूलाई नआत्तिन आग्रह गरेका छन्।
चितवन उद्योग वाणिज्य संघले आयोजना गरेको अन्तरक्रिया कार्यक्रममा बोल्दै नेता सिंहले व्यवसायीहरूलाई नआत्तिइ आफ्नो व्यवसायमा लाग्न आग्रह गरेका हुन्।
उनले सरकारको आर्थिक नीतिमा केही कमजोरी देखिएकाले आर्थिक क्षेत्रमा समस्या देखिएको पनि बताए।
‘कानुनी रूपमा देखिएको जटिलता सुधार गरेर आर्थिक क्षेत्र चलायमान बनाउन लाग्छौं,’ नेता सिंहले भने।
कार्यक्रममा उद्योगी व्यवसायीहरूले काम गर्ने अवस्था नभएकाले चिन्ता व्यक्त गर्दै यसमा सरकारले विशेष ध्यान दिनुपर्ने बताएका थिए।
जवाफमा नेता सिंहले अहिल्यै आत्तिनुपर्ने अवस्था नरहेको बताएका हुन्।
उनले राजनीतिक प्रणाली ठीक नभएसम्म कुनैपनि कुरा ठीक नहुने बताए। त्यसकारण पहिले राजनीतिक प्रणालीलाई ठीक ठाउँमा पुर्याउन आवश्यक रहेको उनले बताए।
