काठमाडौं नेकपा (एमाले) का अध्यक्ष केपी शर्मा ओलीले को थिंक ट्यांक नीति अध्ययन तथा अनुसन्धान प्रतिष्ठान नेपाल (इन्स्पायर) को वेबसाइट सार्वजनिक गरेका छन्।
इन्स्पायरमार्फत् नेपालले सामना गरिरहेका राजनीतिक, आर्थिक, सामाजिक, सांस्कृतिक, प्रविधिगत तथा भूराजनीतिक चुनौतीहरूको अध्ययन अनुसन्धान गर्ने नीति अनुसन्धान परिषदका अध्यक्ष विष्णु रिमालले जानकारी दिए।
रिमालका अनुसार इन्स्पायर मार्फत नीति, निर्माता र विषय विज्ञहरूलाई एकै ठाउँमा ल्याएर विविध छलफल चलाइरहेको छ।
ज्ञानको उत्पादन र रणनीतिक बहसलाई सहजीकरण गर्दै इन्स्पायरले नेपालको लोकतान्त्रिक, समाजवाद उन्मुख र राष्ट्रिय विकासको एजेण्डामा योगदान पुर्याउने लक्ष्य राखेको छ।
आज सार्वजनिक भएको वेबसाइट अंग्रजी र नेपाली भाषामा पढ्न सकिन्छ।
वेबसाइटमा पाँचवटा विधा रहेका छन्। जसमा अर्थ राजनीति, समाज अध्ययन, प्राकृतिक स्रोत, प्रविधि र नवप्रवर्तन परराष्ट्र मामिला रहेका छन्।
वेबसाइटमा यसअघि इन्स्पायरले यसअघि गरेका नीति बहसका कार्यपत्र तथा जर्नल आलेखहरू प्रकाशित छन्। जसमा कार्यपत्र आठ वटा, विशेष प्रतिवेदन चार वटा समावेश छन्।
वेबसाइटमा अन्तर्राष्ट्रिय कम्युनिष्ट आन्दोलनको आलोकमा जनताको बहुदलीय जनवाद, बदलिँदो जानसांख्यिक संरचना, नेपाली समाजको रूपान्तरण, उत्पादन सम्बन्ध, राष्ट्रिय सुरक्षा नीति, विश्वको अर्थ राजनीति, शक्ति सन्तुलन, आप्रवासनबाट उत्पन्न संरचनात्मक परिवर्तन, समाजको वर्ग विश्लेषण लगायतका कार्यपत्रहरू प्रकाशित गरिएका छन्।
वेबसाइटमा किताबका कुरा, युथ इग्नाइट लगायतका शीर्षक छन्। इन्स्पायरका कार्यकारी निर्देशक आशिष रेग्मीका अनुसार वेबसाइटमा राखिएका सामग्रीका विषयमा नीतिगत बहस पछि दिइएका नयाँ विचारहरूलाई पोलिसी ल्याबमा राखिनेछ।
वेबसाइटको नेपाली भाषाको सम्पादक रामशरण बजगाईं र अंग्रेजी भाषाको सम्पादक बालकृष्ण कट्टेल रहेका छन्।
एमालेलाई नीगित रूपमा बलियो बनाउन, राजनीति बाहिर चलिरहेका बहस र समाजमा चलिरहेका विषयलाई वेबसाइट मार्फत राजनीतिको मूल प्रवाहमा ल्याउने प्रयास भएको अध्यक्ष रिमालले जानकारी दिए।
उनले वेबसाइटमा प्रकाशित सामग्रीका बारेमा डा.युवराज खतविडा, प्रा.डा. योगेन्द्र बहादुर गुरूङ, डा.नेत्र तिम्सिना, डा.विष्णुराज उप्रेती, प्रज्ञा अधिकारी र डा.टिका ढकालले प्रकाश पारेका थिए।
.JPG)
-1746513231.jpg)
