नेपाली कांग्रेसको १५ औं महाधिवेशनबाट ३५ वर्षमुनिका युवाहरू पनि केन्द्रीय सदस्य निर्वाचित भएका छन्।
केन्द्रीय सदस्य (सात वटै प्रदेशबाट ३५ वर्षमुनिका युवा खुलातर्फ) २७ जना उम्मेदवार रहेका थिए।
तीमध्ये सबैभन्दा धेरै मत सचिन तिमल्सेनाले प्राप्त गरे। तिमल्सेनाले ३१५६ मत प्राप्त गरेका हुन्।
साथै अभिषेक आत्रेय, सुशील भट्ट, आयुस बगाले, आदर्श मल्ल, रोशन बस्नेत, शैलेश मिश्र केन्द्रीय सदस्यमा निर्वाचित भएका छन्।
तिमल्सेना गत फागुनमा भएको प्रतिनिधि सभा निर्वाचनमा काठमाडौं क्षेत्र नम्बर ४ मा पराजित भएका थिए।
भट्ट नेविसंघ हुँदै पार्टी राजनीतिमा सक्रिय नेता हुन्। उनले परिवर्तन नेपालमार्फत शिक्षालगायत क्षेत्रमा पनि काम गर्दै आएका छन्।
३५ वर्षमुनिका केन्द्रीय सदस्य जितेका ७ जनामध्ये अभिषेक, रोशन र शैलेश इन्जिनियर हुन् भने आयुस डाक्टर हुन्।
.JPG)
-1746513231.jpg)
