नेपाली कांग्रेसको १५ औं महाधिवेशन अन्तर्गत नयाँ कार्यसमिति चयनका लागि भएको निर्वाचनको मतगणना सम्पन्न भइसकेको छ।
कांग्रेसले १५ औं महाधिवेशनबाट निर्वाचित र मनोनीतसहित २९७ सदस्यीय कार्यसमितिको टुंगो लाग्नेछ।
सभापतिमा गगन थापा, वरिष्ठ उपसभापति विश्वप्रकाश शर्मा, महिला उपसभापति पुष्पा भुसाल, उपसभापतिहरू चन्द्र भण्डारी, मधु आचार्य, विनोद चौधरी निर्वाचित भएका थिए।
महामन्त्रीमा प्रदीप पौडेल, डिला संग्रौला पन्त र उदयशम्शेर राणा निर्वाचित भएका छन्।
सहमहामन्त्रीमा विभिन्न क्लस्टरमा निर्वाचित र मनोनीत गरी १४ जना चयन हुनेछन्।
सभापति गगन थापाले आज शपथ लिँदैछन्। पार्टी केन्द्रीय कार्यालय सानेपामा उनले दिउँसो शपथ लिनेछन्।
बाँकी पदाधिकारी र केन्द्रीय सदस्यको शपथ दसैंपछि हुनेछ।
७ हजार ५०० बढी महाधिवेशन प्रतिनिधिमध्ये ७ हजार २ सय बढी मत खसेको थियो।
मतदानमा सबैभन्दा बढी मत सभापति गगन थापाले ल्याएका छन्। उनले ६ हजार ५८४ मत ल्याएका छन्।
१५औँ महाधिवेशनअन्तर्गत भएको निर्वाचनमा थापा ६ हजार ५८४ मत प्राप्त गर्दै सभापतिमा विजयी भएका हुन्।
सभापति पदका अर्का उम्मेदवार श्यामकृष्ण खड्गीले ३७५ मत प्राप्त गरेका छन्। कुल ७ हजार १३ मत खसेको निर्वाचनमा ५४ मत बदर भएको छ।
कुल खसेको मतका आधारमा थापाले ९३.८८ प्रतिशत मत प्राप्त गरेका छन्।
यी हुन् निर्वाचनमा धेरै मत ल्याउने १० उम्मेदवार–
१. सभापति – गगनकुमार थापा : ६,५८४ मत
२. खुला केन्द्रीय सदस्य – चिरीबाबु महर्जन : ५,३३० मत
३. खुला महिला केन्द्रीय सदस्य – बसना थापा : ५,१९३ मत
४. काठमाडौं उपत्यका, बागमती प्रदेश महिला केन्द्रीय सदस्य – हरिप्रभा खड्की : ५,१२६ मत
५. महिला सहमहामन्त्री – प्रतिमा गौतम : ५,११६ मत
६. खुला केन्द्रीय सदस्य – निष्कल राई : ४,९५६ मत
७. आदिवासी जनजाति खुला केन्द्रीय सदस्य – तीर्थ लामा : ४,८५३ मत
८. दलित सहमहामन्त्री – प्रकाश रसाइली स्नेही : ४,८०३ मत
९. खुला केन्द्रीय सदस्य – इन्द्रबहादुर बानियाँ : ४,७३२ मत
१०. युवा केन्द्रीय सदस्य – इन्जिनियर सुभाष पौडेल : ४,५४९ मत
.JPG)
-1746513231.jpg)
