सरकारले वास्तविक सुकुम्बासी परिवारलाई दुई साताभित्र नागार्जुनस्थित सरकारी अपार्टमेन्टमा राखिने बताएको छ।
प्रधानमन्त्रीको राजनीतिक सल्लाहकार असिम शाहले वास्तविक सुकुम्बासीको पहिचानपछि उनीहरूलाई दुई सातामै नागार्जुन नगरपालिकामा रहेको सरकारी अपार्टमेन्टमा स्थानान्तरण गरिने जानकारी दिएका हुन्।
उनका अनुसार हाल बस्ती खाली गरिएका क्षेत्रका परिवारहरूलाई अस्थायी रूपमा व्यवस्थापन गर्ने काम भइरहेको छ।
सम्पर्कमा आएका परिवारहरूलाई दशरथ रंगशालामा ल्याएर विवरण संकलन गर्ने र त्यसपछि काठमाडौंका विभिन्न होटलहरूमा राख्ने तयारी गरिएको छ।
होटलमा राखिएका परिवारहरू वास्तविक सुकुम्बासी हुन् वा होइनन् भन्ने पहिचान गर्ने प्रक्रिया भने भोलिबाटै सुरू गरिने छ।
वास्तविक सुकुम्बासी ठहरिएका परिवारलाई नागार्जुनस्थित सरकारी अपार्टमेन्टमा राखेर उनीहरूको दीर्घकालीन व्यवस्थापन प्रक्रिया अघि बढाइने बताइएको छ।
-1746513231.jpg)
-1746009348.jpg)
