राजर्षिजनक विश्वविद्यालय र नेपाल संस्कृत विश्वविद्यालयको संयुक्त आयोजनामा ‘मिथिला सम्पदा संवाद शृङ्खला’ आयोजना हुने भएको छ।
शृङ्खलामा मिथिलाको भाषा, दर्शन, संस्कृति र कलाका विविध पक्षमा छलफल तथा विचारविमर्श हुने भएको हो।
मिथिलाको प्राचीन सभ्यता, बौद्धिक परम्परा, दार्शनिक धरोहर र सांस्कृतिक पहिचानलाई उजागर तथा प्रवर्द्धन गर्ने उद्देश्यले कार्यक्रम आयोजना गर्न लागिएको हो।
मिथिलाको भाषा, दर्शन, संस्कृति र कला साझा अमूल्य सम्पदा भएकाले यसको गौरवशाली इतिहास र कलात्मक पहिचानको संरक्षण तथा प्रवर्द्धनमा कार्यक्रमले योगदान पुर्याउने आयोजकले जनाएको छ।
