क्रिकेटरबाट सांसद बनेका गौतम गम्भिरले फेरी भारतीय कप्तान विराट कोहलीको आलोचना गरेका छन्।
उनले कोहलीको कप्तानीमा प्रश्न उठाउँदै आलोचना गरेका हुन्।
गम्भिरले अन्तराष्ट्रिय क्रिकेटमा विराटले राम्रो कप्तानी गर्ने तर आईपिएलमा उनको कप्तानी किन सँधै कमजोर हुन्छ? भन्ने प्रश्न उठाउँदै कोहलीको आलोचना गरेका हुन्।
उनले आगामी वर्ष आईपिएलमा विराटको कप्तानी कसरी गर्छन् त्यसलाई हेर्नुपर्ने बताए। अन्तराष्ट्रिय क्रिकेटमा कोहलीको कप्तानी रोहित शर्मा र महेन्द्र सिंह धोनीका कारण राम्रो भएको गम्भिरको दाबी छ।
'विराट कोहलीले विश्वकपमा राम्रो कप्तानी गरे। कारण टोलीमा रोहित शर्मा र एमएस धोनी जस्ता खेलाडी छन्। यिनै खेलाडीको सहयोगमा विराट कोहली राम्रो कप्तानी गर्न सकिरहेका छन्। त्यसैले कोहलीको कप्तानी अन्तराष्ट्रिय क्रिकेटमा राम्रो देखिन्छ', गम्भिरले भने।
गम्भिरले यही कुरा रोयल च्यालेन्जर्स बैङलोरका निर्देशक माइक हैसनले आगामी सिजनमा पनि टोलीको कप्तानी विराट कोहलीले नै गर्ने बताएपछि पनि भनेका थिए।
त्यसपछि गम्भिरले आईपिएल अझै पर रहेको र जब आईपिएल सुरू हुनेछ तब विराटको कप्तानी पुनः परिक्षाको कगारमा हुने प्रतिक्रिया जनाएका थिए।
'हेर्नुस् म मेरो कुरामा इमानदार छु। मैले जैले पनि यो बारेमा बोलेको छु, इमानदारीताका साथ बोलेको छु। तुलना गर्नुस्, रोहितबाट मुम्बई इण्डियन्स, धोनीबाट चेन्नई सुपर किङ्सले जे पायो, विराटको कप्तानीबाट रोयल च्यालेन्जर्स बेङलोरले के पायो? तपाईंले स्पष्ट फरक देख्नुहुन्छ।', गम्भीरको तर्क छ।
