अभिनेता विपीन कार्की र अभिनेत्री मिरूना मगरको फिल्म 'ऊनको स्वीटर' को टिजर सार्वजनिक भएको छ।
मंगलबार आर्टमाण्डू युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा मिरूनाले दिएको डायरीमा विपीन आफ्ना भावना लेख्दै गरेको दृश्य प्रस्तुत गरिएको छ।
फिल्ममा विपीन र मिरूनासँगै विल्सन विक्रम राई, एलेक्स पारस, परीक्षा लिम्बु, सुनिल पोखरेल, माओत्से गुरुङ, प्रेम सुब्बा, सुरज तमू, र भावना खपांगी मगरलगाय कलाकारको अभिनय छ।
'ऊनको स्वीटर' आर्टमाण्डू प्रा.लि.को निर्माणमा बनेको पहिलो फिचर फिल्म हो। सुजन चापागाईँको संगीत रहेको फिल्मलाई नवीन चौहानले लेखन तथा निर्देशन गरेका हुन् भने सुरज कटुवालको सह लेखन रहेको छ।
